Xa temos novo club de lectura de 5º e 6º!
Compoñen o novo club de lectura 11 alumnos de 5º e 7 de 6º, o que fai un total de 18.
Faremos a primeira xuntanza o mércores, 29 de novembro, na biblioteca na hora de ler.
Nesta primeira reunión, María José, a coordinadora, explicará que é un club de lectura ( reunión de persoas que len ao mesmo tempo un libro e que se reunen unha vez á semana para comentar e dar as opinións sobre os textos lidos).
Escolleremos o libro co que empezaremos a traballar e decidiremos o nome do club.
Todos os mércores reunirémonos na biblioteca na hora de ler para comentar o lido por todos os compoñentes do club e para realizar as actividades que se acorden.
