Encontro virtual con Héctor Cajaraville

O venres 14 de maio, o alumnado do club de lectura de 5º e 6º E.P. desfrutamos dun encontro virtual co escritor Héctor Cajaraville, autor do libro que estamos a ler este trimestre, "Kusuma". 

Fixémoslle moitas preguntas ao autor sobre a temática, personaxes... e sobre todo aquilo que nos suxeriu a súa lectura. 

Estamos moi contentos e ilusionados porque o autor vainos asinar os nosos exemplares.

Agradecemos a Héctor Cajaraville a súa simpatía e amabilidade o mesmo que á editorial Xerais por facilitarnos este encontro virtual. 

A todo dar...

Xa levamos lidos os catro primeiros capítulos do libro escollido para este trimestre.

Kusuma é unha faisán femia procedente da remota selva de Kaltim, que ten que marchar do lugar no que sempre viviu por culpa da acción destrutiva do ser humano. 
Co obxectivo de buscar un mundo mellor para ela e mais para a camada de pitiños que espera, cruza medio mundo ata chegar a Galicia. Pero alí as cousas non van ser doadas...