O noso traballo de organización dunha Recollida de Alimentos tivo os seus froitos! O pasado martes 16 de decembro pasámonos polos puntos de recollida que creamos nas diferentes aulas e comprobamos con moita alegría a gran colaboración da nosa Comunidade Educativa.
Grazas a todos eles/as e ao esforzo e
adicación do alumnado do Club de Lectura este Nadal poderá ser máis feliz e
especial para moitas familias da nosa contorna.
Finalizamos este trimestre cun gran sorriso! Boas vacacións!
Continuamos a aprender coa nosa primeira lectura do curso, “As Pombas de Bastián”. Unha das principais temáticas deste libro é a POBREZA, ilustrada a través da vida de Bastián, un vagabundo que só atopa axuda e unha mirada amiga en Minia, unha nena pequena.
Posto que este ano estamos a traballar no
noso PDI de centro os Obxectivos de Desenvolvemento Sustentable, tivemos a idea
de poñer o noso granciño de area para contribuir á “Erradicación da pobreza” e
lograr a “Fame Cero”.
Inspirándonos na historia tan fermosa que
estamos a ler, decidimos organizar no centro unha Recollida de Alimentos
en colaboración coa Asociación Cáritas de Cee.
Posto que somos moitas mans a axudar,
dividímonos as tarefas, que non foron poucas.
O Grupo 1 encargouse de elaborar o cartel informativo
sobre a recollida. Tras moito esfrozo, este foi o resultado:
Unha vez elaborado o cartel, o Grupo 2
enfrontouse a outra gran misión: anunciar polas aulas a proposta, creando en
cada unha delas un punto de recollida de alimentos. Superaron o reto con éxito,
compartimos a proba:
Xa estamos inmersos na historia de Minia e Bastián. A gran e nada habitual amizade entre unha nena e un vagabundo estanos a dar moito que pensar. Tras reflexionar conxuntamente sobre os primeiros capítulos de “As pombas de Bastián”, puxémonos na pel da súa protagonista. Así, tal e como Minia observa desde a súa fiestra ao seu futuro amigo, imaxinando como pode ser a súa vida… nós fixemos o mesmo.
Observamos a diferentes persoas, intentando
adiviñar a que se dedican, os seus gustos, estados de ánimo… e démonos conta de
que coincidimos en moitas opinións. Como pode ser? Que nos levou a pensar desa
maneira? En que detalles centramos a nosa atención para dar as nosas opinións?
Tras un gran debate, descubrimos a
verdadeira identidade dos personaxes do noso xogo e a comparamos coas nosas
hipóteses.
Resultados: algún acerto pero a maioría da
información dista moito da realidade. Isto levounos a reflexionar sobre os
nosos PREXUÍZOS e o presentes que están no noso día a día.
Deixamos a continuación imaxes desta sesión
cos dous grupos de traballo.
.jpg)
Hoxe, xoves 6 de novembro, damos inicio a
unha nova aventura do Club de Lectura “Papalibros”. Este curso escolar contamos
con 14 alumnos e alumnas dispostos a “soñar cos ollos abertos” e compartir tan
máxica experiencia cos seus compañeiros/as un ratiño á semana.
O noso primeiro encontro dou moito de si!
Comezamos coñecendo e asinando as normas do
Club, pois estamos a adquirir un compromiso que requerirá de amosar
responsabilidade ao longo do curso.
Posteriormente abordamos a organización das
sesións, saíndo escollido democráticamente como día de reunión o XOVES.
Aproveitamos a ocasión para dividirnos en dous grupos de traballo e finalizamos
cunha gran escolla “a
cegas”:
a nosa primeira lectura do curso, moi relacionada con noso PDI de centro sobre
os Obxectivos de Desenvolvemento Sustentable.
María Canosa e a súa obra “As pombas de
Bastián” acompañaránnos durante este primer trimestre. Estamos desexando
comezar!
Pois sí, tal e como anuncia o título desta entrada… conseguímolo!
Guillelme Castillo Carballa,
autor do Inframundo, contestou as nosas preguntas!
E non só iso, senón que ademáis nos
agasallou cunha nova que nos fai pensar que teremos unha próxima
lectura asegurada no noso Club.
Para saber de que se trata, teredes que ver o vídeo.
Non vos deixará indiferentes, prometémolo!
Ante isto só podemos dicir: GRAZAS, GUILLE, DE CORAZÓN!
Fíxonos moita ilusión a túa resposta e valoramos moitísimo
o teu talento, a túa implicación e a túa amabilidade.
E con isto, pechamos o Club de Lectura deste ano! Vémonos á volta!
Xa a piques de rematar esta segunda e derradeira lectura do curso, nas
últimas sesións do Club “Papalibros” deixamos voar a nosa imaxinación e
creatividade. A nosa atención centrouse en debuxar aos principais
personaxes do Inframundo partindo das descricións físicas e de
personalidade que o autor recolle no libro.
Tras finalizar as nosas creacións, pensamos que tales obras de arte tiñan
que chegar a Guillelme, polo que nos puxemos en contacto con el,
aproveitando tamén para facerlle algunhas preguntas que nos foron
xurdindo durante este tempo.
Oxalá obteñamos resposta!
Compartimos por aquí o noso vídeo.
Co obxectivo de avanzar na lectura e traballar a parte do libro que nos
tocaba esta semana, desenvolvemos unha actividade de escoita, atención,
comprensión e moito, moito traballo en equipo.
Cando chegamos á aula atopámonos con oito tarxetas que contiñan o
resumo de varios capítulos do Inframundo. O reto era claro: tratar de
ordenalas e secuencialas axeitadamente en 10 minutos.
Como podedes comprobar nas imaxes e nos vídeos, non se nos dou nada
mal e tivemos tempo de poñer en común e reflexionar sobre diversos
aspectos da trama. Estamos enganchados/as.
Mentres que avanzamos na lectura do “Inframundo”, que nos ten case tan
abraiados/as como interesados/as, quixemos aproveitar para traballar a
nosa entoación.
Na sesión anterior percatámonos de que as nosas lecturas eran moi
monótonas, así que aquí traemos un xogo de dramatización para axudarnos
a poñerlle solución.
Nesta proposta lúdica sorteamos diferentes estados de ánimo entre os
membros dos grupos e escollemos varios fragmentos do “Inframundo” para
narralos coas distintas emocións.
Velaquí o resultado!
Neste mes de febreiro xuntáronsenos dous festexos: o Entroido e a
consecución do reto do Pasapalabra.
Como o prometido é débeda: flocos de millo para todos e todas!
Ademáis da comilona, tamén tivemos tempo de descubrir, e mesmo
comezar a ler en voz alta, a nosa segunda lectura do curso: O Inframundo.
Un relato cautivador sobre como unha familia galega fuxe na procura de
acubillo tras un desastre natural sen precedentes.
Podedes ver a actividade desta xuntanza na seguinte ligazón:
Esta obra de Guillelme Denís Castillo Carballa achéganos a algunhas das
máis fermosas paisaxes de Galicia, como son as montañas do Courel, e a
outras que só caben na nosa imaxinación, como as que esconde o
Inframundo.
Así, imos pasar unha boa tempada “Cos pés na terra”, como o noso PDI.
1, 2, 3… cámaras e acción! Coas definicións e o rosco preparados, as
seguintes sesións adicámolas á gravación do noso Pasapalabra.
O obxectivo: conseguir entre os dous grupos 20 acertos.
Accede á seguinte ligazón para saber que tal se nos dou!
Unha vez redactadas todas as definicións do noso Pasapalabra chega a
parte máis práctica: a creación do Rosco.
Tras varias sesións de manualidades nas que o traballo cooperativo resultou
fundamental, logramos elaborar un rosco ben xeitoso, ou polo menos iso é
o que pensamos nós…
Vós que opinades?
