Plataforma dixital

O xoves 13 de xuño o club de lectura accedeu á plataforma dixital a través do blog da biblioteca. Entraron co seu contrasinal e observaron os libros que se ofertaban. Os 20 minutos non chegaron a nada...

Andrea Maceiras, unha visita moi especial

O martes 7 de maio tivemos a honra de que a escritora Andrea Maceiras visitara a nosa biblioteca. 

Foi unha tarde moi especial para o club de lectura de 5º e 6º E.P. "Papalibros" que leron este trimestre unha obra súa "Volverás golfiño" e para os compañeiros de curso que desfrutaron tamén deste gran momento.

O club de lectura buscou información sobre a autora e preparou unha presentación para os compañeiros de 5º e 6º E.P. que non están no club de lectura.:

Todos escoitaron con moita atención o que a escritora contaba: como comezou a súa carreira, anécdotas... e fixéronlle moitas preguntas..

Chegou o momento da entrega dos agasallos que con moito cariño fixo o club de lectura. 

- http://lectonautasdosmuinhos.blogspot.com/2019/04/desenando-o-cartel-para-andrea-maceiras.html

- http://lectonautasdosmuinhos.blogspot.com/2019/04/marcapaxinas.htm

No libro de visitas deixounos unha dedicatoria moi bonita e firmou e dedicou cada un dos libros do alumnado do club.

Para ver fotos da actividade preme na imaxe:

Queremos agradecerlle a Xerais e en especial a Andrea Maceiras, a súa visita, as súas palabras e a súa amabilidade.

Deseñando o cartel para Andrea Maceiras

As encargadas da elaboración do cartel de Andrea Maceiras foron Gabriela, Shamira ( nova compoñente do club), Noa e Candela. Nos recreos xuntáronse na biblioteca para buscar información sobre a autora.

Así de chulo lles quedou:

Preme na imaxe para ver fotos da actividade:

Marcapáxinas

Johana e Alba encargáronse de facer o marcapáxinas para "Andrea Maceiras". Tatiana axudoulles a pintalo.

Temos unha moi boa noticia

Estamos moi contentos porque  Andrea Maceiras vai vir ao noso colexio o martes 7 de maio ás 15.30h. 

Queremos ter un detalle con ela porque nos gustou moito o seu libro. Na reunión de hoxe saíron moitas ideas... Acordamos  facerlle un marcapáxinas personalizado e un pequeno cartel para poñer na entrada da biblioteca no recuncho de novidades.

Inmersos na lectura

Seguimos coa lectura do libro "Volverás, golfiño". A verdade é que o estamos desfrutando moito. 

Iniciamos a lectura "Volverás, golfiño"

Empezamos a lectura de "Volverás, golfiño", da autora galega Andrea Maceiras.